एसीसी प्रिमियर कप : आज मलेसिया र ओमान तथा युएई र सिंगापुर भिड्दै
काठमाडौंमा जारी एसीसी प्रिमियर कप क्रिकेटमा आइतबार दुई खेल हुँदैछन् ।
मुलपानी मैदानमा मलेसिया र ओमानबीच प्रतिस्पर्धा हुनेछ । दुवै टोली तेस्रो खेलमा दोस्रो जितको खोजीमा रहेका छन् ।
यस्तै, कीर्तिपुरस्थित टियु मैदानमा युएई र सिंगापुरबीच प्रतिस्पर्धा हुनेछ । प्रतियोगिताको तेस्रो खेल खेल्न लागेका दुवै टोली जितको खोजीमा रहेका छन् ।
दुवै खेल बिहान ९ बजे सुरु हुनेछ ।
सत्यपाटी संवाददाता । काठमाडौँ