गर्मी मौसममा कालो अंगुर सेवन गर्नुका फाइदा
अहिले बजारमा प्रशस्त मात्रामा अंगुर पाइन्छ । हरेक फलफूलको पसलमा कालो र हरियो अंगुर पाइन्छ । यो गर्मी मौसममा अंगुरले शीतलता पनि प्रदान गर्ने कारण मानिस यो फल खान रुचाउँछन् । अंगुर बालबालिकादेखि लिएर वृद्धले पनि मन पराउने फल हो । यो एक स्वादिष्ट फल हो ।
यसले मानिसको शरीरमा खानाको भन्दा पनि बढी शक्ति प्रदान गर्दछ । हल्का रातो र गाढा कालो रङको अंगुरको स्वाद मिठो हुनुको साथै स्वास्थको लागि पनि धेरै नै फाइदाजनक हुन्छ । कालो अंगुरमा प्रशस्त मात्रामा भिटामिन सी, ए, बी १६, प्रोटिन, क्याल्सियम, फस्फोरस तथा म्याग्नेसियम जस्ता पौष्टिक तत्व पाइने चिकित्सकले बताएका छन् ।
अंगुर सेवनले कयौं प्रकारका रोगसँग लड्न सक्ने शक्ति प्रदान गर्छ । कालो अंगुरमा भिटामिन ई प्रशस्त मात्रामा पाइन्छ । कालो अंगुरमा पाइने विशेष खालको केमिकलले हाम्रो शरीरको हड्डीहरुलाई बलियो र मजबुद बनाउने काम गर्दछ ।
सत्यपाटी संवाददाता । काठमाडौं