‘ए’ डिभिजन लिगमा आज दुई खेल हुँदै
शहीद स्मारक ‘ए’ डिभिजन लिग फुटबलमा आइतबार दुई खेल हुँदैछ ।
त्रिपुरेश्वरस्थित दशरथ रंगशालामा हुने खेलमा सातदोबाटो युथ क्लब र नेपाल पुलिस क्लबबीच साँझ ६ बजे प्रतिस्पर्धा हुनेछ ।
सातदोबाटो छैटौं जितको तथा पुलिस दोस्रो जितको खोजीमा हुनेछ ।
आइतबार नै च्यासल मैदानमा दिउसो ३ बजे सुरु हुने खेलमा संकटा क्लब र सशस्त्र प्रहरीको एपीएफ क्लबबीच प्रतिस्पर्धा हुनेछ ।
संकटा र एपीएफ दुवै चौंथो जित निकाल्न चाहन्छन् ।
सत्यपाटी संवाददाता । काठमाडौँ