लोकसंगीतका राजासमेत भनेर चिनिएका खड्क गर्बुजाले आफू जन्मिएको कालीगण्डकीको सेरोफेरोमा बज्ने लाहुरेः ठाडा भाका गीत ल्याएका छन्।

गर्बुजा र तारा श्रीष मगरको स्वर रहेको लोकदोहोरी लाहुरे गीतमा गर्बुजाको शब्द तथा संकलन रहेको छ। नयाँ वर्ष २०८० को अवसर पारेर सार्वजनिक भएको म्युजिक भिडियोमा चर्चित अभिनेता राहुल केसी, अभिनेत्री केकी अधिकारीको अभिनय देख्न सकिन्छ।

लाहुरे ठाडो भाकालाई बीबी अनुरागीले एरेन्ज गरेका हुन् भने शब्द संगीत गर्बुजाकै रहेको छ। गीतको एरेन्ज श्यामश्वेत रसाइलीको रहेको छ।कलाकार तथा कोरियोग्राफर सुनिल क्षेत्रीको नृत्य हेर्न सकिन्छ भने राजु केसीको भिडियो निर्देशन रहेको छ।

केसीएम डिजिटल युट्युबमार्फत सार्वजनिक गरिएको गीतको म्युजिक भिडियोलाई रक्ष बानियाँ केसी र आकाश केसीले निर्माण गरेका हुन्।