बाँकेमा जारी राष्ट्रिय युवासंघको नवौं राष्ट्रिय महाधिवेशनस्थलमा हतियारसहित देखिएका गणेशबहादुर बोगटीलाई प्रहरीले पक्राउ गरेको छ ।

महाधिवेशनस्थलमा बोगटी हतियारसहित देखिएको सार्वजनिक भएपछि उनलाई पक्राउ गरिएको प्रहरीले जनाएको छ ।

प्रहरीले उनीबाट हतियार पनि बरामद गरेको छ । हतियार अनुमतिप्राप्त भए पनि खुलेआम लिएर हिँड्न नपाइने भएकाले उनलाई पक्राउ गरिएको प्रहरीले जनाएको छ ।

हतियारको दुरुपयोग गरेको देखिएकाले अब अनुमतिपत्र खारेज हुने र पक्राउ परेका बोगटीलाई कारवाही हुने प्रहरीले जनाएको छ ।