जीपको ठक्करबाट बैतडीमा आज एक वृद्धाको मृत्यु भएको छ ।

मृत्यु हुनेमा जिल्लाको डिलाशैनी गाउँपालिका ३ धौकुचे बस्ने ७५ वर्षीया गौरा नाथ रहेकी छन् ।

सु प प्र ०१००१ ज १२९४ नम्बरको जीपले गौरालाई गोकुलेश्वर–गन्ना सडकखण्ड घर नजिकै धौकुचे सडकमा हिडिरहेका बेला अपरान्ह ४ बजे ठक्कर दिएको हो ।

जीपको ठक्करबाट गौराको घटनास्थलमै मृत्यु भएको बैतडीका प्रहरी प्रवक्ता, प्रहरी निरीक्षक योगेश खत्रीले जानकारी दिनुभयो।

चालक डिलाशैनी गाउँपालिका १ का रोशन नाथ र जीपलाई प्रहरीले नियन्त्रणमा लिएको छ । घटनाबारे थप अनुसन्धानका लागि इलाका प्रहरी कार्यालयको घटनास्थलतर्फ गएको जिल्ला प्रहरी कार्यालय बैतडीले जनाएको छ ।