अमेरिकाका पूर्व राष्ट्रपति डोनाल्ड ट्रम्प पक्राउ परेका छन्।

बिबिसीका अनुसार ३४ आरोप लागेका ट्रम्पलाई प्रहरी हिरासतमा राखिएको छ। यद्यपि ट्रम्पले भने आफूमाथि लागेका आरोप अस्वीकार गर्दै आएका छन्।

पूर्वराष्ट्रपति ट्रम्पविरुद्ध मंगलबार म्यानहट्टन अदालतमा ३४ वटा अपराधको आरोप लगाइएको थियो।

बिबिसीमा उल्लेख भए अनुसार यो आरोप पोर्नस्टार स्टोर्मी डेनियललाई मुख बन्द गर्न दिइएको भुक्तानीबाट आएको हो। जसले भन्छ कि तिनीहरूसँग व्यभिचारी सम्बन्ध थियो।

त्यहाँको कानुनअनुसार चुपचाप पैसा तिर्नु गैरकानुनी होइन। तर ट्रम्पले व्यापारिक रेकर्डहरू झूटा गरेको र भुक्तानीहरू लुकाउन खोज्दा सन् २०१६ मा चुनावी कानुन तोडेको आरोप छ। ७६ वर्षीय ट्रम्पले भने ती आरोपलाई अस्वीकार गरेका छन्।

उनीमाथि लागेका प्रत्येक आरोपमा अधिकतम चार वर्षको जेल सजाय हुने त्यहाँको कानुनी व्यवस्था छ।

आपराधिक आरोपको सामना गर्ने ट्रम्प अमेरिकाको पहिलो राष्ट्रपति हुन्।