व्यापार र पर्यटक भिसामा अमेरिका भ्रमण गर्ने व्यक्तिहरूले नयाँ कामको लागि आवेदन दिन सक्छन् । एक अमेरिकी संघीय एजेन्सीले बुधबार भनेको छ कि बी–१, बी–२ भिसा भएका व्यक्तिहरूले पनि अन्तर्वार्ता दिन सक्छन्, तर यी व्यक्तिहरूले नयाँ काम सुरु गर्नुअघि उनीहरूको भिसा परिवर्तन गरेको सुनिश्चित गर्नुपर्छ ।

अमेरिकी नागरिकता र अध्यागमन सेवा (यूएससीआइएस)ले ट्वीट गर्यो कि जब गैर–आप्रवासी कामदारहरूलाई जागिरबाट हटाइन्छ, उनीहरूलाई आफूसँग भएका विकल्पहरूको बारेमा थाहा हुँदैन । उनीहरुले ६० दिनभित्र देश छाड्नुको विकल्प नभएको ठान्छन् । अमेरिकामा रोजगारी समाप्त भएको भोलिपल्टदेखि ६० दिनको ग्रेस अवधि सुरु हुन्छ, जुन सामान्यतया ज्याला भुक्तानी गरिएको अन्तिम दिनको आधारमा निर्धारण गरिन्छ ।

जब एक कर्मचारीको रोजगार स्वैच्छिक वा अनैच्छिक रूपमा समाप्त हुन्छ, उनीहरूले संयुक्त राज्य अमेरिकामा बस्नको लागि योग्य हुन कुनै एउटा विकल्प लिन सक्छन् । यसमा गैर–आप्रवासी स्थिति परिवर्तनको लागि आवेदन, रोजगारी प्राधिकरण कागजातको लागि आवेदन, वा रोजगारदाताहरू परिवर्तन गर्न याचिका दायर गर्ने समावेश छ ।

युएससीआइएसले भन्यो, ‘यदि यीमध्ये कुनै एक कार्य ६० दिनको अवधिभित्र भयो भने, गैरआप्रवासीको संयुक्त राज्यमा आधिकारिक बसाई ६० दिनभन्दा बढी हुन सक्छ । यदि कर्मचारीले ग्रेस अवधिभित्र कुनै कारबाही गरेन भने उसले र उसको परिवारले ६० दिनभित्र वा तिनीहरूको आधिकारिक वैधताको अन्त्यमा, जुन कम हुन्छ, देश छोड्नुपर्नेछ ।’

युएससीआइएसले ट्वीट गरेको छ कि धेरै मानिसहरूले बी–१ वा बी–२ स्थितिमा नयाँ जागिर खोज्न सकिन्छ कि सकिँदैन भनेर सोधे । जवाफ हो सकिन्छ । बी–१ वा बी–२ गतिविधिहरूमा जागिर खोज्ने र पदको लागि अन्तर्वार्ता लिने अनुमति छ । साथै युएससीआइएसले भन्यो कि कुनै पनि नयाँ रोजगारी सुरु गर्नुअघि,बी–१ वा बी–२ बाट रोजगार–अधिकृत स्थितिमा स्थिति परिवर्तन गर्नको लागि निवेदन र अनुरोध अनुमोदन हुनुपर्छ र नयाँ स्थिति प्रभावकारी हुनुपर्छ ।

युएससीआइएसले भन्यो, ‘वैकल्पिक रूपमा यदि भिसा परिवर्तन अस्वीकार गरियो वा नयाँ रोजगारीको लागि अपील गरिएको कन्सुलर वा पोर्ट अफ एन्ट्री सूचनाको लागि अनुरोध अस्वीकार गरियो भने व्यक्तिले संयुक्त राज्य छोड्नुपर्छ र नयाँ रोजगारी सुरु गर्नुभन्दा पहिले रोकगार अधिकृत अधिकृत वर्गीकरणमा भर्ना हुनुपर्छ ।’