साफ यू–१७ महिला च्याम्पियनसिप फुटबल प्रतियोगिताअन्तर्गत आइतबार नेपाल र रसियाबीच खेल हुँदैछ ।

यी दुई टोलीबीचको खेल ढाकास्थित बीएसएसएस मोस्ताफा कमल स्टेडियममा राति ७ बजे हुनेछ ।

नेपाल रसियालाई हराउँदै दोस्रो जित निकाल्न चाहन्छ भने रसिया लगातार तेस्रो जितको खोजीमा हुनेछ ।

पहिलो खेलमा नेपाल भारतसँग ४–१ ले पराजित भएको थियो भने दोस्रो खेलमा नेपालले भुटानलाई ५–० ले हराएको थियो ।

यस्तै, रुसले पहिलो खेलमा बंगलादेश र दोस्रो खेलमा भुटानलाई हराएको थियो ।

प्रतियोगितामा आयोजक बंगलादेश, नेपाल, भारत, भुटान र रसियाको सहभागिता रहेकोछ ।

राउण्ड रोबिनको आधारमा हुने प्रतियोगिताको शीर्ष टोलीले उपाधि जित्नेछ ।