नेपाली बजारमा आज (आइतबार) सुनको भाउ हालसम्मकै उच्च बिन्दुमा पुगेको छ । आज प्रतितोला २ हजार ९०० रुपैयाँले बढेर सुनको भाउले ऐतिहासिक रेकर्ड बनाएको हो ।

नेपाल सुनचाँदी व्यवसायी महासंघका अनुसार आइतबार छापावाल सुनको भाउ प्रतितोला १ लाख १० हजार रुपैयाँ कायम भएको छ । यस्तै तेजाबी सुन प्रतितोला १ लाख ९ हजार ५०० रुपैयाँमा कारोबार भइरहेको छ ।

शुक्रबार छापवाल सुनको भाउ प्रतितोला ५०० रुपैयाँले बढेर १ लाख ७ हजार १०० रुपैयाँ र तेजावी सुन तोलाको १ लाख ६ हजार ६०० रुपैयाँमा मा कारोबार भएको थियो ।

आज चाँदीको मूल्य पनि तोलामा ३५ रुपैयाँले बढेर तोलाको १ हजार ३४५ रुपैयाँमा कारोबार भइरहेको छ । शुक्रबार ५ रुपैयाँले बढेर १ हजार ३१० रुपैयाँमा कारोबार भएको थियो । यसभन्दा अघि २०७९ माघ १९ गते छापावाला सुन १ लाख ७ हजार ५०० पुगेर नयाँ रेकर्ड बनाएको थियो ।