आज बिहीवार देशका एक/दुई ठाउँमा हल्का वर्षाको अनुमान गरिएको छ ।
पहाडी र तराईका एक/दुई ठाउँमा आज हल्का वर्षाको अनुमान गरिएको मौमसविद् गंगा नगरकोटीले जानकारी दिए ।
उनका अनुसार नेपालमा अहिले पश्चिमी र स्थानीय वायुको प्रभाव रहेको छ । यो प्रभावका कारण अहिले धेरै ठाउँको मौसम आंशिकदेखि सामान्य बदली भएकाे छ । दिउँसोपछि हल्का वर्षाको अनुमान गरिएको छ । तर काठमाण्डौमा भने पानी पर्ने सम्भावना कम रहेको मौसमविद्ले बताएका छन् ।
‘काठमाण्डौमा पानी पार्ने प्रणाली कमजोर देखिएको छ’, मौसमविद् गंगा नगरकोटीले भने, ‘तर प्रि–मनसुनमा स्थानीय वायुको प्रभावले एकै छिनमा बादल विकसित भई पानी पर्ने भएकाले बेलुकी पख हल्का वर्षा पनि हुन सक्छ ।’
साेझै विश्व कप छनाेटमा पुग्नका लागि आज नेपालले यूएईसँग खेल्ने भएकाले पनि माैसमबारे धेरैको चासो छ । पानी परे अङ्क बाँड्नुपर्ने अवस्था आउँछ, यस्ताे अवस्थामा नेपालको साेझै विश्व कप छनोट खेल्ने लक्ष्य पूरा नहुने भएकाले पानी पर्ने/नपर्नेबारे खेल समर्थकहरूको चासो छ ।
कीर्तिपुर मैदानमा हुने खेल बिहान साढे ९ बजे हुनेछ ।
सत्यपाटी संवाददाता । काठमाडौँ