अदुवा नेपाली भान्सामा नियमित मसला हो । यद्यपि कतिपयले यसको प्रयोग गरेको पाइदैन । यसको नियमित सेवनले स्वास्थ्यमा धेरै फाइदा पुर्याउने विज्ञहरू बताउँछन् ।

अदुवामा भिटामिन तथा मिनरल्स लगायत विभिन्न तत्व प्रशस्त मात्रामा पाइने हुनाले यसको औषधीय विशेषता रहेको छ । आयुर्वेदमा यसको प्रयोगको इतिहास लामो रहेको छ । अदुवाको नियमित सेवनले वाकवाकी तथा बान्ता हुने समस्याबाट बचाउँछ ।

यसले जोर्नीहरू सुन्निने समस्यालाई पनि कम गर्छ । यति मात्र नभएर यसको क्यान्सर तथा मुटुरोगविरुद्ध पनि औषधीय गुण रहेको छ साथै मस्तिष्कको कार्यमा पनि यसले बुस्टरको काम गर्छ ।

अदुवा सेवनका फाइदाहरू

• अपच हुने समस्या हटाउछ ।
• मांशपेसीको दुखाई कम हुन्छ ।
• प्रतिरोधात्मक क्षमता बढाउँछ ।
• महिनावारीको दुखाई कम गर्छ ।
• बिहान लाग्ने वाकवाकी हटाउछ ।
• शरीर सुन्निएमा चाँडो सुकाउने ।
• कोलेस्टेरोललाई सन्तुलन गर्न मद्दत गर्छ ।