राष्ट्रपति निर्वाचनको पूर्वसन्ध्यामा नेपाली कांग्रेसका वरिष्ठ नेता रामचन्द्र पौडेलको तस्वीर भाइरल भएको छ ।

राष्ट्रपतिका लागि आठ दलीय गठबन्धनका साझा उम्मेदवार रहेका पौडेलको कपडा सिउने पसलमा कैद गरिएको तस्वीर भाइरल भएको हो ।

तस्वीरमा सुचिकारले कपडाका लागि नाप लिइरहँदा ढाकाटोपीमा रहेका कांग्रेसका वरिष्ठ नेता पौडेल मुस्कुराइरहेका देखिन्छन् ।

उक्त तस्वीरलाई सामाजिक सञ्जाल प्रयोगकर्ताहरुले ‘भोलिको तयारी’ भन्दै शेयर गरिरहेका छन् । निर्वाचन आयोगले बिहीबार राष्ट्रपतिका लागि निर्वाचन गर्दैछ ।

तर, उनको सचिवालयले उक्त तस्वीर अहिलेको नभएर पुरानो भएको दाबी गर्दै उक्त तस्वीर मंसिर ४ मा सम्पन्न प्रतिनिधिसभा निर्वाचनमा विजयी भएपछि कैद गरिएको हो ।