आठ दलीय गठबन्धनको बैठक बस्दै
आठ दलीय गठबन्धनको बैठक आज बस्ने भएको छ ।
राष्ट्रपति निर्वाचनबारे छलफल गर्न अपराह्न ४ बजे प्रधानमन्त्रीको सरकारी निवास बालुवाटारमा बैठक बोलाइएको हो।
राष्ट्रपति निर्वाचनमा नेपाली कांग्रेसका वरिष्ठ नेता रामचन्द्र पौडेललाई समर्थन गरेका दलको बैठकमा सरकारमा सहभागी हुने दलका बारेमा पनि छलफल हुनेछ ।
प्रधानमन्त्री पुष्पकमल दाहाल प्रचण्डले राष्ट्रपति र उपराष्ट्रपतिको निर्वाचन लगत्तै मन्त्रिपरिषद् विस्तार गर्ने तयारी गरेका छन् ।
भागवण्डा मिलाउन उनले नयाँ समिकरणका दलहरुसँग परामर्श गरिरहेका छन् ।
सत्यपाटी संवाददाता । काठमाडौँ