एक हुल भेडा आए
अनि घोषणा गरे
शिव मर्यो
अनि उसले जम्मा हुने भीडलाई
शिवको मलामी घोषणा गर्यो
अर्को हुल भीडले
शिवको आत्माको चर्चा गर्यो
भगवानको पनि आत्मा हुन्छ भन्ने पुष्टि गर्न
आत्मा हुने भए
शक्तिको अस्तत्व कहाँ रहन्छ
त्यो भीडमा छलफल भएन
बरु भीडले
संहार कार्यको लागि
नयाँ शिवको खोजी गर्यो
अनि सुरु भयो प्रतियोगिता
नयाँ शिव बन्न ।
उ फुर्के छ
त्यसैले भीडका विज्ञ देखेर
उ फुर्कियो
र झुटमा रमाएका भीडलाई हेर्यो
अनि बोल्यो
‘त्रिकालदर्शी शिवले आफ्नो मृत्यु कसरी देखेन’
तब उभित्रको ईश्वर बोल्यो
‘ज्योतिषीले भाग्य देख्न सक्ने भए
संसारमा दुःखी कोही हुँदैनथे
न त कसैको मृत्यु हुन्थ्यो ।’