पोखराको लेखनाथस्थित प्रहरी चौकी नजिक यात्रुवाहक बस दुर्घटना भएको छ । सो दुर्घटनामा ४० जनाभन्दा बढी घाइते भएका छन् ।

आज दिउँसो ग १ ख ६७४७ नम्बरको बस पोखरा–२७ स्थित सडकबाट खोल्सामा खसेको थियो । कास्की प्रहरीका निरीक्षक ज्ञान खड्काका अनुसार बेगनासतालबाट पोखरातर्फ आउँदै गरेको बस सडकमा पल्टिएको हो ।

प्रहरीले बसमा सवार ४० जनाभन्दा बढी घाइते भएको जनाएको छ । दुर्घटनास्थलबाट अहिले घाइतेको उद्धार गरी पोखरा स्वास्थ्य विज्ञान प्रतिष्ठानमा उपचारका लागि पठाउने काम भइरहेको प्रहरीले जनाएको छ । घटनाको विस्तृत विवरण आउन बाँकी छ ।