जाजरकोट भीरबाट खसेको ढुंगा लागेर जाजरकोटमा मोटरसाइकलमा सवार एक युवाको मृत्यु भएको छ ।

जाजरकोटको नलगाड नगरपालिका ५, को नलगाड हाइड्रोपावरको पहुँच मार्ग अन्तर्गत गेरेनी भीर नजिक मोटरसाइकल चलाइरहेको बेला माथिबाट आएको ढुंगा लागेर पश्चिम रुकुम आठविसकोट नगरपालिका–११ चौरका ३२ वर्षीय अशोक खड्काको आइतबार मृत्यु भएको हो ।

खाराबाट कालीमाटीतर्फ आउँदै गरेको मोटरसाइकलमा खड्कामाथि गेरेनी भीरबाट ढुंगा खसेको थियो । ढुंगा लागेर गंभिर घाइते भएका उनको उपचारका क्रममा स्वास्थ्य चौकी दल्लीमा मृत्यु भएको प्रहरीले जानकारी दिएको छ । मोटरसाइकलको पछाडीको सिटमा बसेका उनका साथी भने सामान्य घाइते मात्र भएका छन्

यस्तै आइतबार नै जाजरकोटमा भीरबाट खस्दा एक जनाको मृत्यु भएको छ । जिल्लाको नलगाड नगरपालिका वडा नं ३ कट्के गाँउमा घर नजिकैको भिरबाट खस्दा इन्द्रमान बहादुर रोकायको मृत्यु भएको जिल्ला प्रहरी जाजरकोटले जनाएको छ । घटनाको थप अनुसन्धान भैरहेको प्रहरीले जानकारी दिएको छ ।