यूरोपेली युनियन (इयू) का आयुक्त जुट्टा उर्पिलाइनेन एक दिने भ्रमणका लागि बुधबार नेपाल आउँदै हुनुहुन्छ ।

यूरोपेली युनियनको काठमाडौंस्थित दूतावासका अनुसार आयुक्त उर्पिलाइनेन बुधबार नेपाल आउन लाग्नु भएको हो ।

इयुका अनुसार पोषण, शिक्षा र ग्रिन रिकभरीलगायत एजेन्डामा छलफल गर्ने कार्यक्रम तय भएको छ ।

काठमाडौंस्थित ईयूको राजदूतवासले जनाएअनुसार उहाँले प्रविधि, ऊर्जा, यातायात र वातावरणको लागि यूरोपेली संघले तय गरेको रणनीतिका विषयमा समेत भ्रमणका क्रममा छलफल गर्नुहुनेछ ।