नेकपा (एमाले)ले राष्ट्रपति र साढे दुई वर्ष सभामुख पाउने भएको छ।

माघ २ गते बालुवाटारमा बसेको सत्ता गठबन्धन बैठकमा राष्ट्रपति एमाले र उपराष्ट्रपति नेकपा (माओवादी केन्द्र)ले लिने सहमति भएको माओवादीका एक नेताले जानकारी दिए।

उनका अनुसार सभामुख भने एमाले र माओवादीले आलोपालो गर्ने भएका छन्।
राष्ट्रिय स्वतन्त्र पार्टीले उपसभामुख पाउने ती नेताले बताए।

बालुवाटारमा गठबन्धन दलको बैठक बस्नु अघि नै प्रधानमन्त्री पुष्पकमल दाहाल र एमाले अध्यक्ष केपी शर्मा ओलीले बालकोटमा छलफल गरेर सहमतिको खाका तय गरेको एमालेका एक नेताले जानकारी दिए।

एमाले 
अर्थ, परराष्ट्र, रक्षा, भूमि सुधार, कृषि, स्वास्थ्य र महिला बालबालिका तथा जेष्ठ नागरिक मन्त्रालय

माओवादी केन्द्र 
भौतिक पूर्वाधार, सञ्चार, पर्यटन र संघीय मामिला तथा सामान्य प्रशासन

रास्वपा 
गृह, शिक्षा र श्रम

राप्रपा 
उर्जा, खानेपानी र युवा तथा खेलकुद

जनमत
उद्योग, बाणिज्य तथा आपूर्ति मन्त्रालय

उपराष्ट्रपति नपाएपछि असन्तुष्ट जनता समाजवादी पार्टी सरकारमा सहभागी हुने नहुने कुराले हिजोको सहमतिमा केही हेरफेर हुन सक्ने माओवादीका ती नेता बताउँछन्।