लघु फिल्म ‘चौतारी´ युट्युबमा रिलिज भएको छ ।

युट्युबमा सार्वजनिक भएको फिल्मलाई नवल नेपालले निर्देशन गरेका हुन् । फिल्मले महिलाको कथा उठाएको छ । एकल महिलालाई नयाँ जीवनको सुरुवात गर्न पाउने हक छ भन्ने सन्देश फिल्ममा देखाउन खोजिएको छ ।

फिल्मको लेखन दिनेश न्यौपाने र निर्देशक नेपाल स्वयंको हो । झन्डै १६ मिनेटको फिल्ममा हरि ढकाल र गीता ढकाल निर्मातामा छन् । मदन काश्यप घिमिरेको छायांकन रहेको फिल्ममा नविन निरौलाको सम्पादन छ ।

संगीतकार समेत रहेका एलिस कार्कीले ‘चौतारी’मा ब्यान्डग्राउन्ड म्यूजिक दिएका हुन् ।

आमा छोरी फिल्मस् प्रोडक्सनको ब्यानरमा निर्माण भएको फिल्ममा वसन्त भट्ट, मिना ढकाल, विकाश लामिछाने र सिम्रन खड्का मुख्य भूमिकामा छन् भने प्रिया न्यौपानेको अतिथी भूमिका छ ।