फिल्म ‘पंचायत’ पाँच वर्षपछि युट्युबमा रिलिज भैसकेको छ । पाँच वर्षपछि युट्युबमा निःशुल्क उपलब्ध भएको फिल्मलाई शिवम् अधिकारीले निर्देशन गरेका हुन् ।

रिलिजको पाँच दिनसम्ममा करिब १० लाख बढी भ्यूजसहित यतिबेला फिल्म नेपालको युट्युब ट्रेन्डिङको पहिलाे नम्बरमा छ ।फिल्ममा नायिका निता ढुंगानाको अभिनयको तारीफ दर्शकले गरेका छन् ।

२०७४ सालमा अमेरिकाको क्यालिफोर्निया राज्यको सन फ्रान्सिस्कोमा आयोजित ‘सन फ्रान्सिस्को फिल्म फेस्टिभल’मा ‘पंचायत’ले विदेशी भाषातर्फ उत्कृष्ट फिल्मको अवार्ड जित्नुका साथै नीता ढुंगानाले ‘उत्कृष्ट मुख्य अभिनेत्री’को अवार्ड समेत जित्न सफल भएकी थिइन् ।

संचारकर्मी रवि अधिकारी कार्यकारी निर्माता रहेको फिल्मका प्रस्तुतकर्ता गणेश गिरी, निर्माता शुशान्त श्रेष्ठ र शंकर सुवेदी हुन् । फिल्मको लेखन निर्देशक शिवम् स्वयंको हो ।

रामेश्वर कार्कीले फिल्मलाई खिचेका हुन् ।फिल्ममा गीता अधिकारी, गणेश गिरी, विशाल पहारी,किरण थापा, राजुबाबु श्रेष्ठ ,रवि अधिकारी, सुचित्रा उप्रेती, अश्विनी कोइराला, प्रकृति ढुंगेललगायतको पनि अभिनय छ ।