नेपाली कांग्रेस कास्कीका पूर्व उपसभापति विष्णु बाँस्तोलाको निधन भएको छ ।

पोखरा उपत्यका विकास समितिका पूर्वअध्यक्षसमेत रहेका बास्तोलाको आज बिहान ४ः१५ बजे निधन भएको नेपाली कांग्रेस पोखरा महानगरपालिका वडा नं. ९ का निवर्तमान सभापति शिवराज बास्तोलाले जानकारी दिए ।

उनले पोखरा उपत्यका नगर विकास समितिको तीन पटक अध्यक्ष भएर काम गरेका थिए ।

स्वर्गीय बास्तोला पोखरास्थित महेन्द्र उच्च माविको व्यवस्थापन समितिका पूर्वअध्यक्ष र पोखरा-९ का पूर्व वडाध्यक्ष पनि हुन् ।

स्व. बाँस्तोलाको अन्त्येष्टिका लागि आज बिहान ९ः३० बजे निवासबाट शवयात्रा गरिने बताइन्छ ।