थप १ जनामा कोरोना संक्रमण, सक्रिय संक्रमित ४१ जना
देशभर पछिल्लो २४ घण्टामा थप १ जनामा कोरोना भाइरस सङ्क्रमण पुष्टि भएको छ ।
पछिल्लो २४ घण्टामा १ हजार ९९ जनाको नमूना परीक्षण गरिएको थियो ।
४ सय ३ जनाको पीसीआर र ६ सय ९६ जनाको एन्टीजेन विधिबाट परीक्षण गर्दा १ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
शनिबार ११ जना संक्रमणमुक्त भएका छन् भने देशभर ४१ जना सक्रिय संक्रमित रहेका छन् ।
त्यस्तै, २४ घण्टामा कोरोनाका कारण कसैको पनि मृत्यु नभएको मन्त्रालयले जनाएको छ ।
सत्यपाटी संवाददाता । काठमाडौँ