गायक राजेशपायल राईले पहिलोपटक छोराको तस्बिर सार्वजनिक गरेका छन्।

गायक राईले छोराको पास्नी गरेको तस्बिर सामाजिक सञ्जालमा राखेका हुन्। जहाँ उनको छोराको नाम लेखिएको छ– सायारेम।

अविवाहित राजेशपायल राईलाई पुत्रलाभ भएको खबर सञ्चारमाध्यमले सार्वजनिक गरे पनि उनले यसबारे केही बोलेका थिएनन्।

अहिले भने उनले छोराको भात खुवाइको तस्बिर सार्वजनिक गरेका हुन्।

गायक राईले लेखेका छन्,  ‘फर्स्ट राइस फिडिङ (पहिलो भात खुवाइ), याने कि पास्नी। दिदी राइसासँग सायारेम।’

जसमा धेरै जनाले बधाई तथा शुभकामना भनेका छन्।

गायक राईसँग लिभिङ टुगेदरमा बसेकी सङबुङ राईबाट उनलाई पुत्रलाभ भएको हो। सङबुङले भने टिकटकबाट राजेशपायल र छोराको भिडिओ तथा तस्बिर यसअघि नै सार्वजनिक गरिसकेकी छन्।