बाँकेको प्रतिनिधी सभा क्षेत्र नम्बर १ मा नेकपा एमालेका सुर्य ढकालले मतान्तर बढाएका छन् ।

उनलाई नेकपा माओवादी केन्द्रका उम्मेदवार महेश्वरजंग गहतराज अथकले पछ्याइरहेका छन् । एमालेका उम्मेदवार ढकालले ६८७७ मत प्राप्त गरेका छन् ।

यस्तै माओवादी केन्द्रका गहतराजले ५७४७ मत ल्याएका छन् । ढकाल र गहतराजबीच ११३० मतको अन्तर रहेको छ । यसैगरी नागरिक उन्मुक्ती पार्टीका सुरेशकुमार चौधरीले २७८७ मत ल्याएका छन् । यस्तै जनता समाजवादी पार्टी (जसपा)का रामकुमार यादवले २०९९ मत ल्याएका छन् ।

त्यस्तै राष्ट्रिय स्वतन्त्र पार्टीका उम्मेदवार आनन्दबाबु काफ्लेले १३५३, लोकतान्त्रिक समाजवादी पार्टी (लोसपा) का रामचरण चौधरीले २२३ मत प्राप्त गरेका छन् । गणनाका क्रममा अहिलेसम्म १७९१ मत बदर भएको छ ।