बाँकेकाे १ र ३ मा नेकपा एमालेले अग्रता लिएको छ।

क्षेत्र नं. १ मा एमालेका सूर्य ढकालले सुरुवातदेखि नै अग्रता लिइरहेका छन्। यहाँ ११ हजार ७ सय ५४ मत गन्दा ढकालले ३ हजार ९ सय ६४ मत ल्याएका छन्।

ढकाललाई नेकपा माओवादी केन्द्रका महेश्वर गहतराज (अथक) ले पछ्याइरहेका छन्। गठबन्धनका उम्मेदवार खेलकुदमन्त्री अथकले तीन हजार १८ मत ल्याएका छन्।

यहाँ एक हजार ५ सय ६ मत बदर भएको छ।

क्षेत्र नं. ३ मा एमालेका जिल्ला अध्यक्ष किस्मतकुमार कक्षपतिले अग्रता लिइरहेका छन्। १५ हजार ३ सय २५ मत गन्दा एमालेका कक्षपतिले ५ हजार ८ सय ६१ र कांग्रेसका किशोरसिंह राठौरले ५ हजार ६ सय १७ मत ल्याएका छन्।

यहाँ ९ सय ४६ मत बदर भएको छ।