अष्ट्रेलियामा जारी आठौं संस्करणको आईसीसी टी–ट्वान्टी विश्वकप क्रिकेटमा आज बुधबार दुई खेलहरु हुँदैछ ।

होवार्टमा बुधबार पहिलो राउण्ड अन्तर्गत समूह ‘बी’ का दुई खेलहरू हुन लागेको हो ।

पहिलो खेलमा स्कटल्याण्ड र आयरल्याण्ड खेल्दै छन् । खेल नेपाली समय अनुसार बिहान पौने १० बजे सुरू हुनेछ ।

स्कटल्याण्ड लगातार दोस्रो जित हात पार्न चाहान्छ भने आयरल्याण्ड पहिलो जित दर्ता गर्न चाहान्छ ।

बुधबार नै हुने दोस्रो खेलमा वेस्ट इण्डिज र जिम्बाबे खेल्दै छन् । यी दुई टोलीबीचको खेल नेपाली समय अनुसार दिउँसो पौने २ बजे हुनेछ ।

पहिलो खेलमा हार व्यहोरेको वेस्ट इण्डिज आजको खेल जितेर अर्को चरणको सम्भावना जिवित राख्न चाहन्छ भने जिम्बाबे लगातार दोस्रो जित हात पार्न चाहान्छ ।