दाङको तुलसीपुरमा खोलाले बगाउँदा तीन वर्षीय बालकाको मृत्यु भएको छ।

मृत्यु हुनेमा तुलसीपुर उपमहानगरपालिका-८ अश्वाराको श्रवण टोल निवासी जीवन बस्नेतका तीन वर्षीय छोरा ललित बस्नेत रहेको इलाका प्रहरी कार्यालय तुलसीपुरका प्रहरी निरीक्षक पर्वत केसीले जानकारी दिए।

दिउँसो ११ बजे गहते खोला र पातुखोलाको दोभानमा आमाले लुगा धुने क्रममा बालक बगेको प्रहरीले जनाएको छ।

खोलामा लुगा धुँदै गरेकी आमाले छेउँमै खेल्दै गरेका बालककलाई नदेखेपछि खोजी गर्दा नभेटेपछि सबैतिर खबर गरेर खोजि गर्दा करिब एक सय मिटर तल झ्याङमा मृत अवस्थामा फेला परेको प्रहरीले जनाएको छ।