पानीकाफल सामुदायिक वनभित्र पुरुषको शव भेटियो
बझाङको जयपृथ्वी नगरपालिकास्थित पानीकाफल सामुदायिक वनमा एक पुरुषको शव भेटिएको छ । जिल्लाको जयपृथ्वी नगरपालिका–७ सुवेडास्थित पानीकाफल सामुदायिक वन क्षेत्रभित्र एक जनाको शव फेला परेको हो ।
हाल नाम नखुलेका पुरुषको शव नचिनिने सडेगलेको अवस्थामा विहिबार फेला परेको जिल्ला प्रहरी कार्यालय बझाङका सुचना अधिकारी रमेशदत्त अवस्थीले बताए । घटनाबारे आवश्यक थप अनुसन्धान भइरहेको अवस्थीले जानकारी दिएका छन् ।
सत्यराज सिंह । बझाङ ।