सिन्धुपाल्चोकमा नुहाउने क्रममा बेपत्ता भएका शिक्षक केशव सिवाकोटीको २२ घण्टापछि उद्धार गरिएको छ ।

हेलम्बु गाउँपालिका वडा नम्बर १ छ्यादी खोलामा नुहाउने क्रममा हिजो शनिवार बेपत्ता भएका शिक्षक सिवाकोटीको २२ घण्टापछि उद्धार गरिएको हेलम्बु गाउँपालिकाका अध्यक्ष निमा ग्याल्जेन शेर्पाले जानकारी दिनुभयो ।

दोलखाको कालीञ्चाेक गाउँपालिका ३ स्थायी घर भएका सिवाकोटीलाई नेपाली सेनाको हेलिकप्टरबाट उद्धार गरिएको हो ।

शिक्षक सिवाकोटी ढुङ्गामा अड्किएको अवस्थामा फेला पर्नुभएको थियो । भिरबाट सिवाकोटीको आवाज आएपछि उद्धारको पहल थालिएको थियो । उद्धारपछि काठमाण्डौ ल्याएर उहाँको उपचार भइरहेको छ ।