बेलयातकी महारानी एलिजावेथको शव बकिंघम दरबारमा राखिएकाे छ ।

महारानी एलिजाको शवलाई राजा चाल्र्स र शाही परिवारले ग्रहण गरी बकिंघम दरबारमा राखिएको हाे । शव दरबारमा ल्याउँदा सडक वरिपरि दशौं हजार मानिसको भीड लागेको थियो ।

बुधबार शव वेस्टमिन्स्टर हलमा लगिने छ । साथै आगामी सोमबार हुने अन्त्येष्टिसम्म त्यहीं राखिने जनाइएकाे छ ।अन्त्येष्टि अगाडी बेलायती जनतालाई शवको अन्तिम दर्शन गर्न दिइने भएकाे छ ।

अन्त्येष्टिका लागि विश्वभरबाट मानिसहरु बेलायत पुग्ने क्रम जारी छ । विश्वका ५ सय नेताहरु सहभागी हुने अनुमान गरिएको छ । अमेरिकी राष्ट्रपति जो बाइडेन पनि महारानी एलिजाकाे अन्त्यष्टिमा सहभागी हुनुहुने भएकाे छ ।

रुस, बेलारुस, र म्यानमारका नेताहरुलाई भने निम्ता दिईएको छैन् ।