लागूऔषधसहित सुर्खेतमा एक जना पक्राउ
सुर्खेतको वीरेन्द्रनगरबाट प्रहरीले लागूऔषधसहित एक जनालाई पक्राउ गरेको छ ।
जिल्ला प्रहरी कार्यालय सुर्खेतले वीरेन्द्रनगर नगरपालिका–१० का ३४ वर्षीया भरत विकलाई लागूऔषधसहित पक्राउ गरेको हो ।
शंका लागेर उनलाई चेक जाँच गर्दा ७० मिलिग्राम ब्राउनसुगर जस्तो देखिने धुलो पदार्थ फेला पारेको प्रहरीले जनाएको छ ।
विकलाई नियन्त्रणमा लगेर यस सम्बन्धमा थप अनुसन्धान गरिरहेको प्रहरीको भनाई रहेको छ ।
सत्यपाटी । सुर्खेत ।