कपिलवस्तुमा एकजनाको गोली हानेर हत्या
कपिलवस्तुको मायादेवी गाउँपालिकामा एकजनाको गोली प्रहार गरी हतया गरिएको छ ।
सो गाउँपालिकाको वडा नं. ५ मद्रहवाका ५० वर्षीय का रामसमुझ पासीलाई अपरिचित दुई जनाले गोली प्रहार गरेर शुक्रबार दिउँसो हत्या गरेका हुन् ।
गोली प्रहारबाट गम्भीर घाइते पासीलाई उपचारका लागि सदरमुकाम तौलिहवा अस्पताल ल्याउँदै गर्दा दिउँसो ४ः१० मा मृत्यु भएको अस्पतालले जनाएको छ ।
नचिनेका व्यक्तिले उनलाई बोलाएर गाउँपालिकाको वडा ६ स्थित महादेवामा एक जनाको खाली घरको पछाडी पट्टी लगेर गोली हानेका प्रत्यक्षदर्शीको भनाई छ ।
घटनाबारे अनुसन्धान भइरहेको जिल्ला प्रहरी कार्यालय कपिलवस्तुले जनाएको छ ।
सत्यपाटी । काठमाडौँ ।