काराबाओ कप फुटबलमा लेष्टर सिटीले स्टकपोर्ट काउन्टीलाई पराजित गरेको छ ।

लिग कप पनि भनिने इंग्ल्याण्डको घरेलु फुटबल प्रतियोगितामा मंगलबार राति लेष्टर सिटीले स्टकपोर्टलाई टाई ब्रेकरमा ३–१ ले पराजित गरेको हो ।

निर्धारित समय र अतिरिक्त समयमा गोल हुन नसकेपछि लेष्टर सिटी र स्टकपोर्टबीचको खेल पेनाल्टी सुट आउटमा पुगेको हो । पेनाल्टी सुट आउटमा लेष्टर सिटी ३–१ ले विजयी भयो ।

लेष्टरका लगि सिनियर टोलीमा डेब्यु गरेका गोलकिपर ड्यानियल इभर्सनले विपक्षीको तीन वटा प्रहार विफल पार्दै टोलीलाई विजयी गराए ।

यो खेल जितेपनि लेष्टर सिटीले नयाँ सिजनको इंग्लिस फुटबलमा जित निकाल्न भने सकेको छैन ।

काराबाओ कपकै अन्य खेलहरुमा एस्टन भिल्लाले बोल्टन वान्डरर्सलाई ४–१ ले हराउँदा एभर्टनले फ्लीटउडलाई १–० ले पाखा लगायो ।

मंगलबार राति नै ब्याकबर्न रोभर्स, डर्बी काउन्टी, नटीङ्घम फरेष्ट र वुल्भरह्याम्पटन वान्डरर्स पनि विजयी भएका छन् ।