आज प्रतिनिधि सभा बैठक बस्दैछ । आज बस्ने बैठकमा प्रतिनिधि सभा सदस्य प्रदीप गिरिको निधनप्रति शोक प्रस्ताव  प्रस्तुत गर्ने एक मात्रै सम्भावित कार्यसूची छ।

आजको बैठकमा सभामुख अग्निप्रसाद सापकोटाले गिरिको निधनमा शोक प्रस्ताव प्रस्तुत गर्नेछन् । यसअघि गिरिको निधनकै कारण हिजोको बैठक स्थगित गरिएको थियो ।

आजै राष्ट्रियसभाको बैठकमा पनि प्रतिनिधिसभाका सदस्य गिरिको निधनमा शोक प्रस्ताव प्रस्तुत गर्ने सम्भावित कार्यसूची छ ।

गिरिको शनिबार राति मेडिसिटी अस्पतालमा निधन भएको थियो । उनको आइतबार साँझ अन्त्यष्टि गरिएको थियो । गिरि समाजवादी चिन्तक एवम् नेपाली कांग्रेसका नेता समेत हुनुहुन्थ्यो ।