नेपाल प्रेस युनियनको केन्द्रमा निर्वाचित पदाधिकारी तथा सदस्यलाई कांग्रेस बाँकेले स्वागत तथा सम्मान गरेको छ ।

युनियनका केन्द्रिय वरिष्ठ उपाध्यक्ष प्रेम केसी र केन्द्रिय सदस्य शोभा केसीलाई कांग्रेस बाँकेले स्वागत तथा सम्मान गरेको हो ।

अर्का केन्द्रिय सदस्य कमला हमाल जिल्ला बाहिर भएका कारण कार्यक्रममा उपस्थित हुन सकिनन् । नेपाली कांग्रेस बाँकेका सभापति नारायणप्रसाद गौडेलको सभापतित्वमा सम्पन्न कार्यक्रममा स्वागत तथा सम्मान गरिएको हो । सो क्रममा सभापति गौडेलले गम्छा ओढाएर डायरी र कलम प्रदान गरेका थिए ।

सो क्रममा बोल्दै कांग्रेस बाँकेका सभापति गौडेलले प्रेस युनियनसँग समन्वय गरेर मात्र अगाडी बढिने बताए । स्थानीय तहको निर्वाचनमा नेपाल प्रेस युनियन बाँकेले निभाएको भुमिका अविष्मरणीय रहेको बताए ।

कार्यक्रममा युनियनका वरिष्ठ उपाध्यक्ष केसी, केन्द्रिय सदस्य शोभा, युनियन बाँकेका अध्यक्ष अर्जुन ओली लगायतले आ-आफ्नो धारणा राखेका थिए ।

सो क्रममा स्थानीय तहको निर्वाचनमा युनियनले गरेको योगदान, आसन्न निर्वाचनको तयारी लगायत विषयमा पनि खुल्ला छलफल गरिएको थियो ।

पार्टीका प्रवक्ता डिल्ली गिरीले स्वागत गरेको उक्त कार्यक्रम सञ्चालन जिल्ला सचिव सुधान्सु कोइरालाले गरेका थिए ।