नेपाली कांग्रेसले स्थानीय तहका जनप्रतिनिधिलाई अभिमुखीकरण तालिम दिँदैछ।

स्थानीय तह निर्वाचनमा कांग्रेसबाट देशभरबाट निर्वाचित अध्यक्ष/ उपाध्यक्ष, प्रमुख/उपप्रमुख तथा जिल्ला समन्वय प्रमुखलाई कांग्रेसले आज र भोलि अभिमुखीकरण तालिम दिन लागेको हो।  प्रशिक्षणमा सहभागी हुन सबै जनप्रतिनिधिहरू काठमाडौं आइपुगेका छन्।

दुई दिनसम्म चल्ने अभिमुखीकरण कार्यक्रमलाई पार्टी सभापति एवम् प्रधानमन्त्री शेरबहादुर देउवाले आज विहान ११ बजे उद्घाटन गर्ने कार्यक्रम रहेको पार्टीका सहमहामन्त्री भीष्मराज आङ्दम्बेलेले जानकारी दिए।  अभिमुखीकरण कार्यक्रम ललितपुरको होटल हेरिटेज गार्डेनमा हुनेछ।

आङ्दम्बेले  कांग्रेसबाट स्थानीय तहमा निर्वाचित जनप्रतिनिधिहरूलाई बधाई तथा शुभकामनासहित अभिमुखीकरण गर्नका लागि भेला आयोजना गरिएको बताए।

स्थानीय तह निर्वाचनमा कांग्रेसबाट ३२९ जना प्रमुख/अध्यक्ष र ३०१ जना उपप्रमुख/उपाध्यक्ष निर्वाचित भएका थिए।