टिकटकर नम्रता शर्माको अभिनय रहेको तीज गीत बुट्टे सारी सार्वजनिक भएको छ ।

११ लाख भन्दा बढी फलोअर्स भएकी शर्मा अभिनित गीत बजारमा आएसँगै टिकटकमा समेत गीत भाईरल भएको छ ।

टिकटकमा मिठो बोली, मिलनसार व्यवहारले सबैको मन जितेकी शर्माको अभिनयलाई पनि धेरैले प्रशंसा गरेका छन् ।

गीतमा प्रिन्स सिलवाल र सन्ध्या बुढा काउली बुढीको स्वर रहेको छ । तीज नजिकिएसँगै गायक प्रिन्सले आफ्नै युट्युब च्यानलमार्फत गीत सार्वजनिक गरेका हुन्।

गीतले एक महिना अगाडिदेखि नै तीज कार्यक्रम राख्ने प्रवृतिको विरोध गरेको छ। सन्तोष राजबहकले कोरियोग्राफी गरेको गीतमा गायक प्रिन्स र गायिका सन्ध्यासँगै शर्माको अभिनय देख्न सकिन्छ।

सिताराम सिलवालको शब्द रहेको गीतमा अर्जुन पोखरेलले संगीत भरेका छन्। आदेश गुर्माछनले एरेन्ज गरेको गीतलाई नरेश विसीले मिक्सिङ गरेका हुन्।

माधव शर्माले निर्देशन गरेको म्युजिक भिडिओलाई अनिल कट्वालले छायांकन तथा सम्पादन गरेका हुन्।