अछाममा पहिरोले घर पुरिँदा तीन जनाको मृत्यु भएको छ।

तुर्माखाँद गाउँपालिका २ भुलुका अमर विष्टको घर पुरिँदा घरमै सुतिरहेका तीन जनाको मृत्यु भएको हो।

मृत्यु हुनेमा अमरका भाइ वीरेन्द्र विष्ट, छोरा संविधान विष्ट र बुहारी हरिकला विष्ट रहेका छन्। तीनैजनाकाे घटनास्थलमै मृत्यु भएको हो।

नैना विष्ट गम्भीर घाइते भएको घटनास्थलमा रहेका स्थानीय निरक शाहीले जानकारी दिए।

अहिले स्थानीय जनप्रतिनिधि, प्रहरीको सक्रियतामा उद्धारको काम भइरहेको प्रहरीले जनाएको छ।