आगामी आइतबारदेखि पवित्र महिना साउन सुरु हुँदैछ । धार्मिक विश्वास अनुसार यस महिनाको विशेष महत्व रहेकोले यसलाई भगवान शिवको महिना भनिन्छ ।

यस महिनामा भगवान शिवको विशेष पूजा गरिन्छ र देवताका देवता महादेवलाई प्रसन्न पार्न धेरै उपाय पनि गरिन्छ । साउनमा शिव मन्दिरहरूमा भक्तजनको घुइँचो लाग्ने छ ।

साउन महिनामा भगवान शिवको पूजा–आराधना गर्दा मनोकांक्षा प्राप्त हुने जनविश्वास रहेको छ । हिन्दु धर्ममा साउन महिनालाई विशेष महत्व दिइएको छ ।

साउनको प्रत्येक सोमबार भगवान शिवको पूजा गर्नाले तपाईको हरेक मनोकामना पूरा हुन्छ । यस वर्ष साउन महिना आइतबारदेखि सुरु भएको छ । यो ३१ गतेसम्म रहनेछ ।

श्रावण महिनामा आउने प्रत्येक सोमबार र मंगलबारको विशेष महत्व मानिन्छ । सोमबार भगवान शिवको पूजा–आराधनाका लागि विशेष मानिए पनि घरको सुख–समृद्धिका लागि मंगलबारको दिन मङ्गलागौरी व्रत मनाइन्छ ।

यस व्रतमा माता पार्वतीको पूजा गरिन्छ । यो पटक पाँच सोमबार परेको छ । यतिमात्र हैन मंगलबारपनि पाँच वटा नै बनेको छ । सोमबार र मंगलबार नै पाँच वटा पर्नु यो अत्यन्तै दुर्लभ संयोग हो । भगवान शिव र माता पार्वतीका लागि यो बर्षको साउन अति नै फलदायी छ ।

यसरी गर्नुहोस् भगवान शिवको पूजा

पण्डित शिप्रा सचदेवका अनुसार यसपटक साउनमा शनि आफ्नो राशिमा मकर राशिमा प्रतिगामी स्थितिमा रहनेछन् । यसका साथै बृहस्पति ग्रह पनि आफ्नो राशि मीन राशिमा रहनेछ, जुन आगामी समयमा यस राशिमा प्रतिगामी हुनेछ ।

साउनमा यी दुई ग्रहको आ–आफ्नो राशिमा प्रतिगामी हुनु विशेष योग हो । यस महिनाको कुनै मनोकामनामा भोले बाबाको आशीर्वाद लिनुभयो भने सबै मनोकामना पूरा हुनेछन् । यो महिना रुद्राभिषेक गर्नुपर्छ ।

रुद्राभिषेक गर्नाले जन्म–जन्मका पापबाट मुक्ति मिल्छ र बाबाको आशीर्वाद मिल्छ । साउन महिनामा हरेक दिन बिहान सबेरै उठेर नुहाएर सफा लुगा लगाउनुपर्छ । यसपछि मन्दिरमा भगवान शिवको अगाडि घ्यूको दियो बाल्नुहोस् ।

सबै देवताहरूलाई जलाभिषेक गर्नुहोस् । शिवलिंगलाई दूध र गंगाजलले स्नान गर्नुहोस् । भगवान शिवलाई फलफूल र फूल चढाउनुहोस् । भगवान शिवलाई बेलको पात चढाउनुहोस् र उनको आरती गर्नुहोस् ।