जिल्ला प्रहरी कार्यालय बाँकेले भारतबाट नेपालतर्फ ल्याउँदै गरेको ठुलो परिमाणमा अवैध कपडा बरामद गरेको छ ।

इलाका प्रहरी कार्यालय हिरमिनियाबाट खटिएको प्रहरी टोलीले नेपालगञ्ज १४ भाटनपुर्वाबाट भन्सार छली गरेर ल्याउँदै गरेको २ लाख १७ हजार १ सय रुपैयाँ बराबरको अवैध कपडा बरामद गरेको जिल्ला प्रहरी बाँकेले जानकारी दिएको छ ।

जिल्ला प्रहरी बाँकेका अनुसार बरामद गरिएका अवैध कपडामा १९६ पिस लेडिज कुर्ता सुरुवाल, १९ पिस कोट पाइन्टको कपडा र १९ पिस लेडिज सललाई आबश्यक कारबाहीका लागि नेपालगञ्ज भन्सार कार्यालय पठाइएको छ ।