नेपाली राष्ट्रिय क्रिकेट टोलीलाई बिदाई गरिएको छ । अमेरिकामा आयोजना हुने आइसीसी पुरुष क्रिकेट विश्वकप लिग टु अन्तरगतको त्रिदेशीय एक दिवसीय सिरिज खेल्न जाने नेपाली क्रिकेट टोलीलाई बिदाई गरिएको हो ।

नेपाल क्रिकेट संघ (क्यान)ले शनिबार काठमाडौंमा आयोजना गरेको बिदाई कार्यक्रममा खेलाडीहरुलाई बिदाई गर्दै शनिबार युवा तथा खेलकुद मन्त्री महेश्वर गहतराज (अथक)ले सफलताको शुभकामना दिएका छन् ।

नेपाली टोली आजै अमेरिका प्रस्थान गरेको क्यानका अध्यक्ष चतुरबहादुर चन्द लगायतले जानकारी दिए । सिरिजमा नेपाल, अमेरिका र ओमानबीच प्रतिस्पर्धा हुनेछ । जसका लागि सन्दीप लामिछानेको कप्तानीमा १५ सदस्सीय नेपाली क्रिकेट टोली अमेरिकाको टेक्सस जान लागेको हो ।