जित नजिक बालेन, ५० हजार नाघ्यो मत
स्थानीय तह निर्वाचनअन्तर्गत काठमाडौं महानगरपालिकामा मतगणना जारी छ । अहिलेसम्म एक लाख ५० हजार ५१६ मतगणना गरिएको छ ।
पछिल्लो गणनाअनुसार काठमाडौं महानगरपालिकाको प्रमुख पदमा स्वतन्त्र उमेदवार बालेन्द्र साह (बालेन) ५० हजार ३० मत प्राप्त गरी जित नजिक पुगेका छन् ।
नेपाली कांग्रेसकी उमेदवार सिर्जना सिंहले ३० हजार ७६७ मत ल्याएकी छन् । नेकपा (एमाले)का उमेदवार केशव स्थापित ३० हजार १५ मतका साथ तेस्रो स्थानमा छन् । काठमाडौं महानगरमा कुल एक लाख ९० हजार ९८४ मत खसेको छ ।
सत्यपाटी । काठमाडौं ।