रोल्पामा अहिलेसम्म २९ वडाको मत परिणाम सार्वजनिक भएको छ । जसअनुसार अधिकांश वडामा माओवादीले जित हासिल गरेको छ ।

जिल्लाको एक मात्र नगरपालिका रोल्पा नगरपालिकामा वडा न. १, २, ४, ५ र ६ मा माओवादीले जित हासिल गर्दा वडा न. ३ मा कांग्रेसले जितेको छ ।

परिवर्तन गाउँपालिकाका वडा न.१ र २ मा माओवादी केन्द्रले जितेको छ । त्रिवेणी गाउँपालिका वडा न. १ मा माओवादी र २ मा एमालेले जितेको छ ।

गंगादेव गाउँपालिका १, २ र ७ मा कांग्रेस र ६ मा एमालेले जितेको छ । थवाङ गाउँपालिका वडा न. ४ मा एमाले जित्दै गर्दा २, ३ र ५ मा माओवादी विजयी भएको छ ।

सुनछहरी गाउँपालिका १ र २ मा माओवादी केन्द्रले जितेको छ भने रुन्टीगढी गाउँपालिका १ मा कांग्रेस, २ मा माओवादी र ३ मा एमाले विजयी भएको छ ।

लुङग्री गाउँपालिका ६ र ७ मा माओवादीले जितेको छ । सुनिलस्मृती गाउँपालिका वडा न. १ र ३ मा माओवादी केन्द्र र २ मा स्वतन्त्रले जित हासिल गरेको छ । माडी गाउँपालिकामा १ र २ मा माओवादी केन्द्रले जितेको छ ।