मुस्ताङको तसाङ गाउँपालिकाको अध्यक्षमा एमालेका प्रदीप गौचन र उपाध्यक्षमा काँग्रेसका सोमल हिराचन निर्वाचित भएका छन् ।

थसाङको मत गणना सकिएसँगै यो जिल्लाका पाँच वटै (सबै) पालिकाको मतगणना सकिएको छ । सोमबार थासाङ गाउँपालिकाको मतगणना सकिएको हो ।

थसाङको अध्यक्षमा एमालेका प्रदीप गौचन एक हजार १४४ मत पाएर विजयी भएका हुन् । प्रतिद्वन्द्वी काँग्रेसकी बालकुमारी शेरचनले १ हजार ५५ मत पाइन् ।

उपाध्यक्षमा काँग्रेसका सोमल हिराचन १ हजार २१२ मत पाएर विजयी भए । उपाध्यक्षमा प्रतिद्वन्द्वी एमालेकी सुमिता शेर्पाले १ हजार ८० मत पाइन् ।

थसाङसँगै लोमन्थाङ, लो–घेकर दामोदरकुण्ड, वारागुङ मुक्तिक्षेत्र र थासाङ गाउँपालिकामा एमालेले अध्यक्ष जितेको छ । घरपझोङमा काँग्रेसले जितेको छ ।