निर्माण व्यवसायीहरूले आज आइतबारदेखि निर्माण परियोजना ठप्प पार्ने भएका छन् ।

निर्माण सामग्रीमा बढेको मूल्य अनुसार परियोजनाको बजेट समायोजन गर्नु पर्ने माग कार्यान्वयन नभएको भन्दै उनीहरुले आन्दोलन स्वरुप निर्माण परियोजना ठप्प पार्ने निर्णय गरेका हुन् ।

निर्माण व्यवसायी महासंघको नेतृत्वमा व्यवसायीहरूले ‘कन्स्ट्रक्सन होलिडे’ को नाममा आजबाट निर्माण परियोजना ठप्प पार्ने भएको हो ।

मूल्यवृद्धि सम्बोधन, बीमा निर्देशिका खारेजी र सार्वजनिक खरिद नियमावलीमा भएको त्रुटि सच्याउनुपर्ने माग गर्दै व्यवसायीहरू आन्दोलित छन् ।

महासंघको नेतृत्वमा उनीहरूले बीमा समिति र सार्वजनिक खरिद अनुगमन कार्यालयमा धर्ना दिएका छन् । मूल्यवृद्धि स्थिर नभएसम्म वा सरकारले मूल्यवृद्धि अनुसार लागत समायोजन नगरेसम्म काम ठप्प पार्ने निर्माण व्यवसायीको भनाई छ ।