प्रमुख प्रतिपक्षी नेकपा एमालेले स्थानीय तह निर्वाचन–२०७९ को घोषणापत्र सार्वजनिक गरेको छ ।
नेपाल कम्युनिस्ट पार्टीको ७४ औं स्थापना दिवसको अवसर पारेर आयोजित कार्यक्रममा अध्यक्ष केपी शर्मा ओलीले घोषणापत्र सार्वजनिक गरेका हुन् ।
ललितपुरको च्यासलस्थित तुलसीलाल स्मृति भवनमा आयोजित कार्यक्रममा मंगलधुन बजाएर निर्वाचनको घोषणापत्र सार्वजनिक भएको हो ।
‘निर्वाचनको सन्दर्भमा पार्टी केन्द्रीय कमिटीका तर्फबाट स्थानीय तहको निर्वाचन घोषणापत्र तयार गरेर हामीले सार्वजनिक गरेका छौं,’ एमाले महासचिव शंकर पोखरेलले भने ।
आजै एमालेको थापाथलीस्थित केन्द्रीय कार्यालय पनि च्यासलस्थित तुल्सीलाल स्मृति भवनमा सारिएको छ । जसको उद्घाटन अध्यक्ष ओलीले केहीबेर अघि गरेका थिए ।
सत्यपाटी । काठमाडौं ।