कोहलपुर नगरपालिका २ सालको बुटा नजिकै ट्याक्टरको ठक्करबाट एक जनाको मृत्यु भएको छ ।

शनिबार दिउँसो भे २ त ९३९ नम्बरको ट्याक्टरले भे ७ प ५४४६ नम्बरको मोटरसाइकललाई ठक्कर दिँदा मोटरसाइकल चालक बैजनाथ गाउँपालिका– ४ का ४० वर्षीय रेशम डाँगीको मृत्यु भएको जिल्ला ट्राफिक कार्यालय बाँकेका प्रमुख हिमालय शाहले  जानकारी दिए ।

उनका अनुसार ओभरटेक गर्ने क्रममा ट्याक्टरले ठक्कर दिएको जस्तो देखिन्छ, तर मोटरसाइकल सवार ३२ वर्षीय सुरेन्द्र ओली गम्भीर घाइते भएको शाहले जानकारी दिए ।

ट्याक्टर र चालकलाई कोहलपुर प्रहरीले नियन्त्रणमा लिएको इलाका प्रहरी प्रमुख ऐन बहादुर मल्ले बताए ।