नेपाल प्रहरीका चार जना प्रहरी वरिष्ठ उपरीक्षक (एसएसपी) नायव महानिरीक्षक (डीआइजी) मा बढुवाका लागि सिफारिस भएका छन् ।
बुधबार बसेको बढुवा समितिले वरिष्ठ एसएसपीहरुलाई डीआइजी बनाउन सिफारिस गरेको हो । डीआइजी बढुवाका लागि नलप्रसाद उपाध्याय, मोहनकुमार आचार्य, राजेन्द्रप्रसाद चौधरी र मसाउद आलम खाँ सिफारिस भएका हुन् ।
बढुवाका लागि सिफारिस भएका चौधरी आइजीपी शैलेश थापा क्षेत्रीकै ब्याची हुन् । अन्य तीन जना एआईजी विश्वराज पोख्रेलका ब्याची हुन् । बढुवा सिमितिले वरिष्ठताक्रम अनुसार डीआईजी बढुवा सिफारिस गरेको हो ।
तीन जना डीआइजी वसन्त पन्त, धिरज सिंह र रबिन्द्र धानुक एआइजीमा बढुवा भएपछि र राजेशलाल कर्ण उमेर हदका कारण वैशाख २ गतेबाट अनिवार्य अवकास हुने भएपछि चार जना रिक्त भएको हो ।
सत्यपाटी । काठमाडौं ।