च्याम्पियन्स लिग फुटबलमा आजबाट क्वाटरफाइनल दोस्रो लेगका खेलहरु सुरु हुँदैछन् ।

आज मंगलबार राति हुने खेलमा इंग्लिस क्लब चेल्सीले स्पेनको रियल मड्रिडसँग खेल्नेछ । यो खेल स्पेनिस राजधानी मड्रिडमा हुनेछ ।

पहिलो लेगको खेलमा ३–१ ले पराजित भएको चेल्सी आजको खेलपूर्व निकै दबाबमा रहेको छ । रियल मड्रिडलाई उसैको मैदानमा स्तब्ध पार्दै प्रतियोगिताको सेमिफाइनलमा पुग्न आफ्नो टोलीले ठूलै मेहेनत गर्नुपर्ने चेल्सीका प्रशिक्षक थोमस टुचेलले बताएका छन् ।

आजै राति जर्मनीमा हुने खेलमा बायर्न म्युनिखले स्पेनको भियारियलको सामना गर्नेछ । भियारियलको मैदानमा भएको पहिलो लेगको खेलमा बायर्न १–० ले पराजित भएको थियो ।

च्याम्पियन्स लिग फुटबल क्वाटरफाइनलका अन्य दुई खेलहरुमा भोलि बुधबार राति एथ्लेटिको मड्रिड र म्यान्चेस्टर सिटी तथा लिभरपुल र बेन्फिका भिड्नेछन् ।